韓男團ENHYPEN訪台粉絲通宵達旦霸位 千五人逼爆見偶像禎元及善禹真身

韓國男團ENHYPEN其中兩位成員善禹同隊長禎元呢日訪台出席美容用品店開幕，吸引千五粉絲聞風而至，完全逼爆活動所在嘅小區，兩子一登場尖叫聲不斷，粉絲們嗌足幾分鐘歡迎偶像出現。禎元同善禹分別同大家打招呼，感謝粉絲們支持，禎元仲話自己以最帥氣一面出現。

善禹同禎元現身台灣一個活動，吸引逾千Fans一早到場守候
因為場地位置有限，唔少粉絲冒寒前一晚通宵霸位，霸唔到位嘅粉絲只好逼爆布景板後面嘅外圍見偶像，所以主持人阿Ken都好貼心引導兩位向布景板後嘅粉絲打招呼，冧得現場粉絲再次起哄。 雖然現場不設傳媒提問環節，但主持人亦代入粉絲心態，詢問禎元同善禹訪台私下最想去邊玩，令在場粉絲不停尖叫，氣氛超好，善禹最想去人氣地帶中山區見識，而禎元就透露小時候都跟父母嚟過台灣，佢最想品嚐花生捲、冰淇淋及珍珠奶茶，被笑指已融入台灣生活習慣。

當中唔少Fans更係前一晚通宵霸位