大師兄新春感謝祭｜《奔跑吧！》齊心鳥獸散幫朱仔解圍 林襄自稱遊戲王輸在唔識聽

蕭正楠 吳若希 朱敏瀚 鄧智堅 尹詩沛 唐嘉麟 一班《奔跑吧！勇敢的女人們》演員，呢日組隊同 高海寧 陳靜 林襄 郭珮文 文佐匡 組成嘅賀歲電影隊，出戰《大師兄新春感謝祭》，各位女士仲毫不鍚身，為遊戲非常投入爭獎品呀。

《奔跑吧！》成員呢日參與感謝祭非常齊心
《奔跑吧！》嘅成員仲嗌晒口號，提醒大家繼續追睇搞笑嘅劇情，大家又互相提出揀隊展嘅要求，最後就由「處男」首次參與獎門人嘅KT擔當喇。朱仔早前被傳出同Hera蜜運，仲又話佢哋會結婚，而呢日一提到Hera近日生日，眾成員就非常合拍幫佢解圍喇。
朱仔一被問及緋聞，大家仲齊齊幫佢解圍

而導演 葉念琛 帶晒賀歲新片演員強陣現身，不過佢就指信心不大，會派出一眾美女出戰咁話。而去年成績突出嘅高Ling，就指今年會繼續努力爭取更好成績喇。

高Ling同導演仲有一眾演員都有參與
台灣啦啦隊女神 林襄 亦係首次參加獎門人，佢就有啲擔心聽唔明廣東話會蝕式咁話，不過佢就自誇有「遊戲女王」之稱，所以玩咩Game都未驚過。拍檔Dada就至怕開口中會搞到成身都係Cream，到時一定要同林襄一齊逃走呀。

啦啦隊女神林襄擔心廣東話聽力會影響遊戲