鄭俊弘陪兒子做治療鍛鍊偶遇馬神 感激馬德鐘暖心舉動：多謝你咁錫我

鄭俊弘（Fred）早前大方談及兩歲兒子讚廷（Asher）患有罕見疾病「天使綜合症」，佢同老婆何雁詩去年同阿仔前往美國尋求治療方法，阿仔順利完成特殊物理治療課程，經過密集式訓練後，鄭俊弘喺1月6號喺社交平台透露阿仔身體狀况已有明顯改善，佢今日再陪阿仔去做物理治療時，更偶遇「馬神」馬德鐘（Joe哥），更大爆馬神暖心舉動。

鄭俊弘今日陪阿仔去做物理治療時，偶遇馬德鐘，更大爆馬神暖心舉動。
鄭俊弘今日喺社交平台再次分享阿仔近照，原來佢帶阿仔去做治療，咁啱撞到馬神同佢太太張筱蘭，鄭俊弘同馬神拍《再見枕邊人》而認識：「當佢知道我個仔患有天使綜合症，佢就第一時間打電話畀我，佢即刻介紹咗佢嘅朋友同埋外國嘅醫生畀我認識. 我真係好多謝你Joe哥，多謝你咁錫我，同埋咁錫我個仔❤️❤️❤️ You’re the best！！」

鄭俊弘同老婆何雁詩去年同阿仔前往美國尋求治療方法，阿仔順利完成特殊物理治療課程。
經過密集式訓練後，鄭俊弘透露阿仔身體狀况已有明顯改善。

何雁詩早前透露阿仔Asher喺美國受訓三星期後，阿仔已能夠喺支撐下於跑步機行走，過程當中又結交到新朋友，佢同鄭俊弘見證住阿仔嘅努力，Asher身體狀况強壯咗好多穩定咗好多，企起身嗰陣變得穩陣，識得爬行同用叉子進食。

Asher身體狀况強壯咗好多穩定咗好多，企起身嗰陣變得穩陣，識得爬行同用叉子進食。
此外，Asher目前返港後仍要進行物理治療，而鄭俊弘返港後亦每日陪兒子鍛鍊，佢都希望再安排兒子之後再赴美進行治療，要等排隊輪候。

鄭俊弘希望再安排兒子之後再赴美進行治療，要等排隊輪候。