燦神Jeffrey合作新廣告演父子 張聰Kay再帶Kakaball參演

張繼聰 謝安琪 同囡囡 張靖(Kakaball)近日再次出演保險廣告親子演出，新一輯廣告仲有魏浚笙同 潘燦良 加上飾演 「表舅父」同「三舅公」，似乎要將唔同年齡層客戶都網羅其中。

Jeffrey喺廣告中追求健康保障，原來佢仲提早一星期好好準備，Jeffrey話： 「拍攝前一星期開始每天至少操練3個鐘，再戒晒所有澱粉質，只食水煮食物。 今次拍攝非常順利，期間仲同前輩潘燦良交流戲，所以非常開心。」
Jeffrey同燦神首次合作，兩人於廣告中扮演一對父子

一直以靚仔形象示人嘅佢，又話自己非常容易水腫，所以飲食都會嚴格控制：「以前剛出道唔習慣，但就發現對身體變化真係有好大正面影響。唔堅持健康習慣，好難應付日常工作，因為藝人對體能要求非常高，體能狀態差就難以應付。」
Jeffrey話入行後自己更為注意健康，因為要高體力先足以應令工作

燦神潘燦良最近忙住籌備舞台劇，今次同Jeffrey唔止首次合作，仲係以「父子檔」形式出現，仲話合作過程非常愉快。燦神又話自己對財務安排係屬於 「預早規劃」類型，非常重視人生同財富規劃：「演藝人收入唔似打工仔每月出糧，所以更需要良好規劃，所以平時都鍾意同朋友交流理財心得或者新資訊。 」

燦神就話自己對財務安排係預先規劃型 

而再次一家同台嘅張繼聰就指今次拍攝更難忘，佢話： 「廣告入面有一座巨型英式下午茶道具，Kakaball同Kay見到超級興奮，係咁自拍，Kakaball仲因為劇情有機會猛食蛋糕，之後仲秘密話係拍攝期間最開心嘅事。」

Kakaball再次同父母一齊演出