古天樂賀歲片飾演爆肌隱世拳王 粉紅胡子彤搶鏡 Gigi變八婆版龍捲風

由古天樂領軍嘅賀歲電影《臨時決鬥》，發佈正式電影海報，見到十幾位主要演員陣容，當中最大亮點就係隱藏爆肌造型嘅隱世拳王古天樂啦！ 電影正式宣傳片中可以更清楚睇到幾位演員嘅角色同造型，以胡子彤嘅粉紅色小短褲運動裝最為搶眼。另外兩位女角王丹妮同周秀娜因爭仔，由電梯打到上擂台，拳拳到肉犧牲靚樣嘅搏命演出。

上年票房同口碑皆大收旺場嘅《九龍城寨之圍城》，有多位主要演員都有份參與《臨時決鬥》嘅演出。
上年票房同口碑皆大收旺場嘅《九龍城寨之圍城》，有多位主要演員都有份參與《臨時決鬥》嘅演出，當然攞正牌玩二次創作，其中飾演藝人嘅梁詠琪獲邀演出新戲《九龍剩女之臨時揪龍捲風》，演出「龍捲風」一角，佢搵老公古天樂陪佢對戲，古仔即刻話「我要做信一」，仲抵死講對白「龍捲風，你個八婆」，原班人馬玩二次創作自嘲，非常爆笑。

王丹妮同周秀娜因爭仔，由電梯打到上擂台，拳拳到肉犧牲靚樣嘅搏命演出。梁詠琪獲邀演出新戲《九龍剩女之臨時揪龍捲風》演出「龍捲風」。最大亮點就係隱藏爆肌造型嘅隱世拳王古天樂。