中聲唱將支嚳儀計劃加國拍新歌MV 準備充足銀彈派利是 封封都見「紅」

《中年好聲音》唱將一直深受各大客戶歡迎，好似呢日支嚳儀（Venus）受邀出席活動宣揚無煙嘅訊息，Venus仲有獻唱《Gotta Try》炒熱全場，Venus呢首快歌出咗一段日子，佢話係時候再出新作，仲計劃好去加拿大打理烘焙學校業務時順便拍埋新歌MV。

支嚳儀受邀出席活動宣揚無煙嘅訊息。
Venus透露加拿大嘅烘焙學校去年開張後，遲遲未正式辦嘅開幕禮，所以呢個工作變成2025年首季必做嘅事項，到時仲會順道帶兒子去加國，享受天倫樂。 Venus早前錄好第三首個人單曲，喺加國之旅途中打算拍攝埋新歌MV，事前更向之前赴英國一手一腳拍MV嘅周吉佩取經。

Venus透露加拿大嘅烘焙學校去年開張後，遲遲未正式辦嘅開幕禮。
就快到農曆新年，傳聞《中聲》唱將工作不斷，收入唔惹少，唔知係咪因賺咗唔少，Venus喺派利是方面承諾係開心價，面額至少係「紅衫魚」級別，仲好大方歡迎各方好友包括所有幕後同事向佢拜年討利是。Venus早前錄好第三首個人單曲，喺加國之旅途中打算拍攝埋新歌MV。