古天樂被問會否到內地開騷 罕有以普通話回答無可能

古天樂嘅普通話同歌唱事業，一直都引起觀眾嘅關注同興趣，而古仔多年嚟都絕少開金口講普通話同唱歌。日前佢就現身南京出席活動，同當地嘅市民提早慶祝新歲，古仔嘅現身將會場擠到萬人空巷。
古天樂呢日現身南京出席活動。
呢次南京之行就令古仔罕談音樂事業同講普通話，當佢被問到有冇考慮到內地開演唱會？古仔就錯愕以普通話回應：「我都沒有唱歌，開甚麼演唱會。」傳媒讚佢唱得好聽，古仔就笑笑口話：「沒有沒有，應該不會吧。」更表示無可能開騷。
古天樂嘅普通話似乎有所進步。

曾經拎過歌唱獎項嘅古仔，好多粉絲都希望再聽佢獻唱，不過呢個願望應該無咁易達成，因為古仔全副精神都放喺電影事業上，佢一口氣以普通話講出自己農曆新年嘅工作，指除咗喺香港忙於宣傳賀歲片，亦要飛到其他地方宣傳，所以無旅遊計劃。