電影泉攻略丨姜皓文夫婦暢談賀歲片 故事剖白黑哥兒童院成長歷程丨EP138

今集《電影泉攻略》王鎮泉邀請咗姜皓文同太太殷寧接受專訪，暢談賀歲電影《哈哈哈新年喜戲》，今次殷寧身兼監製同編劇，直接理解就係電影事無大小都要負責，而黑哥除咗擔任監製，仲要一人分飾兩角，黑哥話自己細個喺兒童院長大，當時就有好多奇奇怪怪嘅陰謀論諗法，而呢啲諗法佢曾經同太太講，所以殷寧今次就將呢啲元素加入電影中，而黑哥喺戲中嘅角色就係兩位於兒童院長大嘅人，因成長經歷而互相產生嘅問題。

姜皓文同太太殷寧接受《電影泉攻略》專訪。

殷寧話故事中最想勾劃出父子情，而呢樣正正帶出丈夫所缺乏嘅一樣嘢，父子之間嘅感情，佢又分享籌備到拍攝時種種挑戰同趣事。黑哥就讚太太所寫嘅劇本好高分，而殷寧自言仍然有好大進步空間。黑哥話大家透過電影就可以睇到佢兒時心理狀態，加上原來佢睇完劇本後發咗一場噩夢，殷寧知道後就決定將呢個情節加入戲中。殷寧

本週嘅新片速遞有《原始巨星》，英國流行音樂天王Robbie Williams化身為猩猩演繹自己蜚聲傳奇，從一炮而紅，繼而跌落神壇，到再次憑才華同實力回歸音樂天王地位。電影由佢風頭一時無兩，講到佢面對名利嘅誘惑同自我懷疑，沉淪於毒品同酒精的世界之中，再進化成浪子回頭嘅Better Man。
姜皓文

《狼男》，比歷同妻女一家三口，喺父親失蹤多年並被判定死亡後，繼承咗位於鄉下嘅童年家園，並搬到嗰度叢林嘅農舍。一晚夜深人靜，比歷突如其來遭受睇唔到嘅怪物襲擊，漆黑一片下四處絕望逃亡；隨住夜幕降臨月圓皎亮，比歷嘅身體露出奇怪變異，逐漸怪物化；一切恐怖轉變，同父親失蹤嘅案件有無關連？

《劇場版「進擊的巨人」完結篇THE LAST ATTACK》，時光流逝，嚟到牆外世界嘅艾連選擇同調查軍團嘅伙伴們分道揚鑣，執行一個驚世駭俗嘅恐怖計畫。率領無數巨人將呢個世界上所有能稱之為生命嘅生命盡數蹂躪。以米卡莎同阿爾敏為首嘅倖存者們，為了阻止意圖毀滅世界嘅艾倫，挺身挑戰最後嘅戰役。

至於本週嘅票房龍虎榜，截至2025年一月十五號中午為止，第三位係《久別重逢》；第二位係《破。地獄》；第一位係《誤判》。