孫儷 蔡依林合體拍廣告互戴高帽 《後宮甄嬛傳》相隔13年重聚感難忘

孫儷、蔡依林日前現身上海出席一個品牌活動，作為品牌代言人嘅兩位早前更合體拍廣告，呢次合作佢哋都覺得好開心。

孫儷話自己好欣賞Jolin體能，可以邊唱邊跳，令佢都忍唔住問對方係點做到，而Jolin就指自己同孫儷一見如故，所以拍攝進行得好順利
孫儷話囡囡都係《後宮甄嬛傳》嘅fans。
孫儷主演嘅宮廷劇《後宮甄嬛傳》首播至今雖然已經相隔13年，但仍然廣受追捧，就連孫儷嘅囡囡小花都係劇迷之一。劇組早前特別搞咗個聯歡見面會邀請各位演員出席，令大家重溫舊夢，孫儷感到難忘之餘都話其實見面會當日非常忙碌，如果有機會同一班舊拍檔食下飯、傾下偈就最好不過喇。
蔡依林同大家拜個早年。
距離農暦新年得返個幾星期，Jolin都借活動同各位粉絲拜個早年，恭祝大家身體健康，樣樣都好。