梁詠琪被封搞笑擔當王丹妮為電影克服畏高

港產賀歲電影《臨時決鬥》將於年廿九上映，日前導演麥啟光率領古天樂、梁詠琪、王丹妮、陳湛文及陳慧敏到澳門出席全球首映禮。
《臨時決鬥》日前於澳門舉行全球首映。梁詠琪
席上導演指喺籌備拍攝時，曾經考慮過用動作替身令演員們可以輕鬆啲，點知一眾演員都話要自己親身上陣。而戲中飾演拳王嘅古天樂，就指好開心可以再同GiGi合作拍攝賀歲片，古仔指二人相當有默契，亦希望觀眾可以睇得開心。而飾演拳王太太嘅GiGi，則被導演評為電影中嘅搞笑擔當，唔少對白都係由GiGi自己構思，對此GiGi表示：「導演畀咗好多信心同自由我哋，好多嘢都係大家即時度，而我係有因為《臨時決鬥》學泰拳，但係戲入面就唔係打到飛起，打到飛起就有我身邊嘅王丹妮。」
王丹妮
王丹妮除咗同娜姐、Gigi、蝦頭喺未開拍前一齊努力練拳外，仲喺拍攝時實測膽量。飾演廣告女強人嘅王丹妮，本身唔只畏高，仲抗拒玩高空機動遊戲，但喺戲中就有一幕講述胡子彤帶王丹妮到水上樂園減壓，當大玩垂直滑梯時，王丹妮眼濕濕為角色頂硬上：「嘩！嚇死我！個個一見條滑梯都話高，我見到都腳軟，但又唔想因為我怕高唔拍，一路上樓梯一路勁驚，好彩最後導演兩take就搞掂咗，條滑梯真係太太刺激。」而王丹妮同周秀娜兩位女神，喺戲中就因為爭陳湛文而大打出手，對此陳湛文說：「唔使懷疑，點解要一齊爭我，哈哈，想知就入場啦！」
陳湛文