賈名媛邱芷微過大禮排場豪氣 巨大龍鳳鈪金豬金器勁搶眼

憑住《愛．回家之開心速遞》中飾演「賈名媛」入屋嘅邱芷微Chelffy去年宣布同拍拖10年嘅武打演員男友陳志忠Wilson將於2月28日舉行婚禮，兩人正進入結婚倒數階段，婚禮籌備得如火如荼，Chelffy分享咗過大禮嘅震撼場面，手上穿戴巨大流星錘龍鳳鈪、大大串金豬牌頸鏈、黃金后冠同不同金飾、仲有各款珍貴蔘茸海味，排場十足，Chelffy同Wilson都展現出幸福滿瀉笑容。

邱芷微同男友陳志忠2月底就會舉行婚禮，分享日前過大禮嘅情況
Chelffy透露依足傳統過大禮儀式，大方得體，佢哋同親友都好滿意，由於未婚夫係潮州人，今次過大禮都特別加料去買潮州嫁女喜餅，盡顯家鄉傳統，令到同樣係是潮州人嘅Chelffy媽媽特別高興，而整個過大禮過程非常順利，嚟緊兩口子最期待就係佢哋嘅bigday。Chelffy喺過大禮儀式完畢後，又再接受另一項挑戰，Po出兩人婚照留言話：「下一站就係搞big day~Yes! We are on the way!」

金器禮物排場夠晒強勁

Wilson曾參與無綫節目《功夫新星》，喺2020年確診患上胃癌，經積極治療後病癒，他亦曾分享患癌並不可怕，最重要係積極治療。現時Wilson康復情況理想，身心已回復昔日狀態，Chelffy與Wilson經歷患難見真情，如今兩人終於結束愛情跑，可喜可賀。
Wilson早年曾勇退癌魔，如今即將娶靚老婆正式係迎接人生新階段