哈哈哈新年喜戲｜宣萱印度裝扮巧妙修腰 陳靜化身印度靚西施

姜皓文 同 殷寧 夫妻檔上陣陣炮製；宣萱、李璨琛、陳靜 林盛斌 等主演嘅賀歲電影《哈哈哈新年喜戲》，大年初一上映優先場；2月6號正式上映，電影預告亦正式公開，片中黑哥一人分飾兩角，戲中又有印度搞笑造型，打扮搶鏡

黑哥頭上誇張頭飾原來係一個咕𠱸
迎片連日來已於馬來西亞展開連串宣傳，當地上映優先場後好評如潮，黑哥嘅印度造型最初設計係一把長頭髮加一對大耳環，十足阿拉丁燈神一樣。不過拍攝時現場發現一個大咕𠱸，黑哥貪得意將咕𠱸戴上頭，大家見狀發現喜感十足，更索性變成造型之一。

黑哥笑說：「大頭咕𠱸再配上印度服效果好搞笑，但拍攝時就遇上唔同難度；因為頭太大經常同拍檔宣萱頭撞頭；質地軟腍腍好難控制；但戴上後邊行樓梯邊跳，就有意想不到嘅喜感！既然帶出呢個開心效果，即使拍得吃力都無妨。」
又因為頭飾實在太大而發生唔少笑料

宣萱同阿Sam、Dada亦對呢個蘑菇頭造型笑口不絕，而同樣初嘗印度裝造型嘅宣萱，事前特別拜託服裝師將腰肢收起，佢笑說：「印度服裝我最擔心就係收緊自己條腰，因為喺馬來西亞太多美食，不知不覺間食多咗；所以特別同服裝師研究，希望好好將我嘅肥腰收埋，最後OK啦！過得自己見得人。」

宣萱亦要挑戰印度打扮
將分別出現於兩部賀歲片嘅Dada，就會身穿華麗嘅印度服飾，但係原來服裝非常重磅，所以每次都要服装姐姐幫忙穿著。Dada話：「著上呢套「重磅」印度服行動唔太方便，呢身印度西施裝好繽紛，好配合賀歲片氣氛，非常享受呢次異國情懷，最享受嘅係馬來西亞地道美食，完全停唔到口。」

Dada片中同樣化身印度西施演出