張繼聰吳雨霏昆凌各自發出愛的宣言 與另一半慶祝結婚紀念日

無論係10年前定18年前嘅1月20號，相信都係宜嫁娶嘅黃道吉日，因為吳雨霏Kary同初戀男友洪立熙Brian。以及張繼聰同謝安琪，都係揀咗呢日拉埋天窗。今日（20號）佢哋各自喺社交平台再同另一半講愛的宣言。
張繼聰喺社交平台向太太發表愛的宣言。
張繼聰喺社交平台PO出當年同太太謝安琪喺婚禮上嘅親吻照，並於帖文中表示佢哋於18年前開始咗呢段婚姻生活，阿聰指同太太手拖住手，戰勝唔同驚濤駭浪嘅挑戰：「生活日常嘅小確幸⋯⋯四處遊玩，為無聊嘅瑣事大笑一餐，陪我哋小朋友行過唔同嘅階段，就係我夢寐以求嘅人生。」阿聰指透過太太睇到呢個世界嘅美好，仲同對方表示：「仲有更多精彩同好玩嘅嘢等住我哋✌🏻啾咪❤️」。
吳雨霏同老公Brian結婚10周年。
Kary 同 Brian 亦係喺10年前嘅今日拉埋天窗，Kary喺社交平台PO出同Brian於海灘手拖手嘅照片，並喺帖文中以英文表示兩人於13歲時認識，而今日已經係佢哋結婚嘅十周年。Kary笑言數數手指，人生有一半時間都係同Brian一齊度過，自己亦喜歡同對方一齊慢慢變老嘅過程：「正如你所說，我每天都得掐自己一下，因為我能和你一起實現這個不可思議的夢想。」

周杰倫 同 昆凌。周杰倫同昆凌由二人世界。
另外，周杰倫同昆凌日前亦度過佢哋嘅結婚10周年紀念日，昆凌呢日亦晒出多張與周董唔同年份嘅，佢同樣以英文喺帖文中寫道：「10 years, 3 kids, 1 dog, and countless messy meal times…」昆凌指無論點都好，佢哋都仍然係歡笑住、相愛着，偶爾仲會比賽邊個最快可以令小朋友上床睡覺，而由最初兩人嘅生活，到而家變成五口子之家，外加一隻受寵愛嘅狗狗，昆凌笑言雖然生活就好似旋風一樣，但無論用咩佢都唔會換：「Here’s to 10 years of teamwork, endless memories, and embracing the beautiful chaos of family life. Cheers to many more adventures ahead！」
變成一家五口之家。周董同昆凌相當甜蜜。昆凌同周杰倫亦嚕入結婚 10周年。