何依婷開Party分享佗B女喜悅 大肚麥明詩估啱咗 網民提議對親家？

30歲何依婷與圈外男友Cedric喺2023年底於印尼峇里拉埋天窗，結婚一周年前夕宣布造人成功。何依婷目前懷孕六個幾月，噚日邀請一眾好友參加性別揭曉（Gender reveal）派對，以篤爆氣球去揭曉腹中BB係男仔定女仔，好友蔡嘉欣、陳詩欣及陳懿德亦有出席。

何依婷目前懷孕六個幾月，噚日邀請一眾好友參加性別揭曉派對。
何依婷今日終於喺社交平台分享佗B女嘅喜悅：「A Baby Girl💕 期待Baby R長大後，一齊母女裝出街街☺️💗。」Cedric更親吻老婆孕肚大晒溫馨幸福，睇得出佢非常愛呢位「前世情人」！麥明詩噚日亦身穿粉紅色外套出席派對，佢話自己估啱咗，有網民叫麥明詩可以考慮對親家🥰，唔通麥明詩佗嘅係B仔！？

何依婷今日終於喺社交平台分享佗B女嘅喜悅。

Cedric更親吻老婆孕肚大晒溫馨幸福，睇得出佢非常愛呢位「前世情人」！

麥明詩噚日亦身穿粉紅色外套出席派對，佢話自己估啱咗。