陳慧嫻個唱收爐提跌倒甩褲 休息忙封利是初二再戰尾場

入行40年嘅 陳慧嫻 6場紅館演唱會，喺龍年結束前完成第5場演出，而首場不慎跌倒嘅佢，原來當時撞傷膝蓋，好在未有影響之後嘅演出，呢晚佢亦繼續載歌載舞又跳又唱。雖然第一場就出事撞瘀，令Priscilla之後一直有陰影，仲急急將出事藍色裙加工，方便佢於台上行走。陳慧嫻嘅演唱會暫時完成5場演出，年初二將再次表演

而另外一場佢又因為跳舞太投入，連打底褲都幾乎甩，原來又係因為連日演出消瘦之故。完成5場演出之後，大年初二就會舉行尾場表演，Priscilla就話除咗要休息，仲要為各位工作人員安排開工利是迎接蛇年呀。
呢日佢仲重提早前嘅兩次蝦碌事件

多年來唔少人都非常關注佢嘅感情狀況，而Priscilla就指已經習慣一個人生活未會強求，而歌迷同朋友就已經令自己非常富足，不過亦唔會抗拒天降伴侶咁話。

仲話幾日假期會為工作人噥準備開工利是呀