StarTalk丨古天樂梁詠琪再演夫妻喜爆肚演出 周秀娜特訓後開拍首日即受傷

古天樂、周秀娜及胡子彤為新片接受拳擊訓練，呢日佢哋接受TVB娛樂新聞台節目《StarTalk》訪問，講吓佢哋受訓有幾辛苦，周秀娜賀歲片飾演女拳王，為角色接受個幾月密集特訓，而胡子彤就搵咗泰拳教練去揣摩角色，睇吓人哋就點教學生！

周秀娜扮演嘅女拳王，一開工就受傷
胡子彤坦言本身好為食，拍攝之前十日先獲通知要除衫，為咗除衫戲份戒口大嗌辛苦，佢好佩服所有幕前要除衫嘅人，古仔笑指自己都長期戒口，同戲嘅演員都未見過古仔喺片場食嘢。
胡子彤因為新戲而要忍口修身

周秀娜今次同王丹妮對打，二人拳拳到肉，而佢開拍首日就小腿受傷要縫針，胡子彤亦佩服女演員落力演出；古仔呢次同梁詠琪再演兩公婆，二人拍喜劇不時爆肚演出，早已默契十足，同老拍檔合作嘅好處就係睇對手反應就知點拍。

《城寨》曾拍檔嘅張文傑再次同胡子彤參與演出

娜姐用盡力想打低對手時超可怕