吉吉 Venus 浩賢 Chris蛇年犯太歲 師傅教化解方法係添丁？

中聲家族成員出名感情好，過年期間當然都要聚一聚熱鬧下，中1生 周吉佩、支嚳儀、魏嘉信就趁新正頭約埋中2生 梁浩賢 一齊食餐飯兼向大家拜年。主持許文軒更邀請玄學師傅唐碧霞為大家講講蛇年運程。而呢餐豐盛嘅賀年大餐由大廚吳江橋精心炮製。

中聲家族約埋一齊食開年飯。
過年派利是係傳統亦係好意頭，上年賺到盆滿缽滿嘅吉吉就成為大家嘅目標，而吉吉亦好大方表示過去一年識多咗好多人，所以預咗今年利是一定會加碼。而Venus亦歡迎大家問佢逗利是，仲好有信心話大家收到佢封利是一定唔會失望。
許文軒邀請到玄學師傅唐碧霞為大家講講蛇年運程。支嚳儀同周吉佩都係屬虎。
咁啱得咁巧，四位嘉賓生肖分別係豬、猴同虎，正正都係蛇年犯太歲生肖，佢地當然要把握機會請教下師傅化解方法，而化解方法都包羅萬有，包括添丁、拓展外地市場等等，究竟邊個需要添丁？就要喺影片中搵答案喇！
周吉佩支嚳儀
雙虎吉吉同Venus就得到師傅提點要小心人際關係同口舌是非，搞到吉吉好緊張追問化解方法。至於師傅對Venus嘅贈言更搞到佢緊張到成頭汗。
許文軒
至於全場運勢最旺嘅就係屬雞嘅Edmond，無論人際關係、事業或者財運都係當旺，搞到大家不知幾羨慕呀！

除咗有師傅贈言，四位中聲家族成員亦有同大家分享蛇年嘅工作大計，無論係事業或者生活方面，都希望大家可以心想事成、夢想成真。

梁浩賢魏嘉信