獨家丨劉佩玥孖陳山聰化身特務CP跳探戈 苦練舞步過千次彌補不足

陳山聰同劉佩玥（阿Moon）呢日化身特務情侶，為2月9號舉行嘅TVB賽馬日拍攝宣傳片，佢哋對上一次喺《奪命提示》CP相當有默契又好合拍，呢次再搵佢哋拍檔演出，唔只要拍開槍畫面，仲要挑戰跳Tango（探戈）。
陳山聰同劉佩玥化身特務情侶拍宣傳片。兩人喺片中要大跳探戈。
山聰話事前排練跳Tango，皆因佢同阿Moon首次跳Tango，阿Moon笑指每一個動作都係挑戰，山聰即講反話讚阿Moon「手腳好協調」，阿Moon直認係跳舞同動作戲嘅天生蠢材，苦練舞步過千次，山聰亦幫阿Moon講好話，指今次落場拍攝，阿Moon表現都OK。
阿Moon話自己係跳舞蠢材。