J Music丨周吉佩林思彤唱得唔夠喉 組合Plan V稱能力未夠暫唔諗開騷

周吉佩 羅啟豪Ramon 林思彤 劉芷君Aster 及組合Plan V 呢日作客《J Music》，齊齊去到商場玩busking，大批歌迷一早就佔據有利位置，捧場聽偶像獻唱。
周吉佩03.jpg
已經係第二次作客《J Music》嘅吉吉同Ramon，坦言唱得唔夠喉，吉吉仲話如果唔係大家叫停佢，佢會一直唱落去，因為自己係生於商場演出嘅年代，所以再喺商場做busking，佢簡直係如魚得水呀。Ramon就話雖然之前有過喺商場演唱經歷，但自己都仲係有啲緊張，有啲啲手震同口震。同樣曾經喺唔少商場演唱過嘅林思彤，就話一開唱時啲回憶返晒嚟，加上現場觀眾相當熱情，令佢好開心，唯一不足嘅就係演出時間太短喇。
羅啟豪林思彤
由彭家賢Zayden、江廷慧Vivian、侯雋熙Duncan、陳昊廷Timothy 同 李茵彤 組成嘅Plan V，呢日雖然首度同Aster合作，不過佢哋就默契十足。提到Plan V喺網上人氣不俗，問到佢哋有冇開騷嘅諗法？彭家賢就話覺得佢哋嘅能力未去到可以自己開騷嘅程度，所以希望再浸耐啲先，而家嘅諗法係先出多啲自己歌，夠歌後再諗開騷問題。
Plan V 同Aster 首度合作。
Plan V話暫時唔會諗開騷。