宋慧喬謝絕愛情片扮黑化修女 為角色提早六個月練習食煙

宋慧喬 全汝彬 李陣郁 等主演嘅新戲喺韓國上映，一眾演員同導演出席媒體試映，分享推出新作嘅心情。對於坊間一致睇好新戲，喬妹坦言壓力好大，不過佢就話今次新作同自己特別有緣分，所以點都要接演。

宋慧喬喺新片扮演一名暗黑修女，仲提早半年練習食煙
喬妹話自己演完大熱劇集《黑色榮耀》之後，就決定唔想再回歸愛情戲，加上自己自細就好鍾意睇恐怖片，所以決定參演呢套新戲。
喬妹仲指唔想再拍愛情主題新作

呢日首映禮仲公開喬妹一大全新挑戰，原來佢為咗演黑化修女，首次挑戰食煙，真係好大犧牲呀！喬妹話因為自己唔食煙，所以一開始好苦惱要點樣詮釋，但因為劇情需要，所以由開拍前六個月就開始練習食煙，非常敬業。
要非煙民學喬妹食煙真係唔係易事

VIP試映會上，亦有唔少圈中好友嚟撐場，好似《黑暗榮耀》中嘅大反派林智妍、另外仲有張基龍、全孝盛，YURA，玉珠賢，雪炫等，場面熱鬧。