拖陳凱琳新春夫妻檔搵真銀 嘉穎開腔澄清鐵馬家族不和傳聞

鄭嘉穎 同 陳凱琳 夫婦呢日難得出席活動，相信要請得郁佢地夫妻檔出巡，報酬方面應該相當有誠意。嘉穎同Grace一齊戴上名貴珠寶，行頭十足，Grace話好少有機會戴咁隆重嘅首飾，而嘉穎亦指自己少有咁珠光寶氣嘅打扮。

鄭嘉穎同陳凱琳夫妻檔搵真銀
兩夫妻農曆新年假雖然得一個星期，但係Grace安排滿滿嘅活動，其中一個就係請老師同朋友一齊教大小朋友齊學寫揮春，好有新年氣氛，嘉穎亦自爆有跟老師學埋一份。
近日鐵馬新春相聚，嘉穎未有現身再掀起疑問

之前鐵馬家族喺過年時聚首一堂，大家齊到馬國明屋企拜年，高海寧亦加入其中，但係未見嘉穎嘅踪影，令嘉穎同馬明嘅不和傳聞再被炒熱。呢日嘉穎鮮有開腔澄清：「首先同大家講我哋冇不和，大家唔使擔心，冇話冇去一啲聚會就代表不和，唔想每次被問同樣嘅問題，我畀番同樣嘅答案，希望就呢件事唔好再問我。」
嘉穎坦言為人父母後，過時過節時間表都係以小孩為先，剩返俾自己嘅時間好少，朋友會明白佢嘅處境。佢更自認比較愛守護私穩，同朋友間友誼一切在心中，無需公開證明，唔太認同喺網上公開私生活嘅風氣。

呢日佢再澄清並無不和，仲指自己比較低調，往後亦唔希望再回應