StarTalk一氣呵成版丨姜皓文夫妻檔監製賀歲片 讚太太從零開始學製作超能幹

姜皓文 同太太殷寧共同擔任監製嘅賀歲電影，於馬來西亞取景，黑哥唔只自己落場主演，仲要係一人分飾兩角，可以話一人打三份工，佢同太太作客《StarTalk》宣傳作品時，都坦言話壓力好大。

黑哥同太太一齊合力製作新片
做開家庭主婦嘅殷寧平日都係照顧老公日常，呢次要從零開始學做電影製作，之前佢連探班都未去過，今次事事要親力親為，更一改自己向來要瞓飽嘅性格，為工作不眠不休，更為老公度身構思故事，安排黑哥從未試過嘅戲路同一人分飾兩角，如此費盡心思，原來呢套電影係佢哋嘅結婚周年禮物。 
黑哥今次仲要一人分飾兩角

黑哥大讚老婆能幹，其中一件事令佢哋印象，有一日需要出動三千幾萬古董靚車嘅大場面，點知天氣不似預期，忽然風雨交加，佢哋無計可思，唯有「畫天龜」祈求天晴，佢哋嘅誠心更打動上天開拍時天氣放晴，仲見到月光，令兩人感到相當奇怪。
黑哥又大讚首次任監製嘅老婆能幹

殷寧大爆老公係擔心大師，身兼多職嘅佢疑似出現焦慮症症狀，所以遇到小問題都會自己解決，希望老公可以安心演戲，又大讚老公喺詮繹兩個角色上相當仔細，眼神動態上嘅細節表現出兩個角色嘅分別，更透露因為老公花費大量腦力，所以攰到佢嘅失眠不藥而癒。而黑哥就話雖然製作工作辛苦，但作品得到認同嘅滿足感難以形容，更會越做越上癮。
殷寧就指老公係緊張大師

黑哥近年更被網民大讚越成熟越有型，作為身邊人嘅殷寧不敢認同，但講笑話叫老公唔好回到從前嘅樣貌。