痞子無間道｜延續風格繼續瘋狂爆笑 原班人馬全新故事今首播

《痞子殿下》2022年播出時成功以爆笑情節同搞怪角色突圍，而續作《痞子無間道》今晚就會正式播出。再由 周嘉洛 陳瀅 王灝兒 朱敏瀚 麥美恩 等原班人馬演出嘅《痞子》新作，近日已推出多條宣傳片，內容繼續搞笑，亦令人更好奇全新故事發展。

《痞子無間道》由原班人馬繼續搞笑演出

劇集繼續瘋狂搞Gag，仲加入唔少大家一見都會心微笑嘅內容，好似呢日我哋探班，就見到竟然有漢堡神偷參與其中，而為咗識女仔中晒伏嘅朱仔，似乎都係想話俾大家知交友都係眼看先為真，圖畫又好圖片又好，隨時都可能係騙局嚟呀。
朱仔見到畫像中嘅美人就沉晒船

真．美人原來係生到成面鬚嘅潘冠霖

古代唔應該叫KT做漢堡神偷，叫乜好？叉燒包神偷？雞包仔神偷？

美人生鬚嘅 潘冠霖 扮醜女仲凌空飛人砸住 唐嘉麟 呢幕劇情真係探班已經笑死現場同事，到底整個故事仲會點爆笑，記得追住一陣首播嘅故事內容喇。

瘋狂劇情記得一陣留意20:30首播嘅《痞子》喇

《痞子無間道》2月10號起 星期一至五晚 20:30 翡翠台