糖妹出戰中國歷史問答節目長知識 鄧月平拍戲遇投資者走數無奈停工

糖妹、鄧月平、林曉峰（阿Lo）呢日一齊喺電台出戰關於中國歷史嘅問答節目，糖妹雖然中學時有修讀中史，但已經唔記得晒，只可以抱住嚟聽故仔嘅心態，佢話自己都長咗唔少知識。

近年不時學習新事物嘅鄧月平，之前去跟師傅學刀法應付拍電影，點知遇上投資者走佬兼走數。
近年不時學習新事物嘅鄧月平，之前去跟師傅學刀法應付拍電影，點知遇上投資者走佬兼走數，搞到最後要停工，鄧月平話希望電影可以復工，仲話願意減收片酬添。

阿Lo自認工作狂，鍾意做嘢多過放假，仲話放假周身唔聚財！
林曉峰過去一年忙到冇停手，之前新年終於放假去滑雪，不過阿Lo就話自己係工作狂，鍾意做嘢多過放假，仲話放假周身唔聚財添，對於近日有唔少網民大讚阿Lo大仔好靚仔，有日系型男Feel，仲話佢好有潛質入娛樂圈，問到佢支唔支持阿仔？阿Lo就冇正面回應，只係叫大家如果要讚就讚佢喎。