農夫下月底為Fans補課兩堂 內容歌單全由觀眾投票選擇

農夫 去年舉辦《農夫20首歌的21堂課》同觀眾近距離接觸，不過呢次演出就並非演唱會，當日歌單全部都由觀眾選擇，不過當時突然售票，令唔少Fans都希望農夫會為其他錯失上堂機會嘅大家「補課」。

農夫下月底將再於戲曲中心演出「兩堂補課」

原來 陸永 同 C君 早已有「補課」計劃，最近佢哋就呼籲大家提供上次嘅演出影片，用以剪輯成三月底「補課」嘅宣傳片。農夫話：「平時演唱會好少機會rerun，好感謝主辦單位邀請，令我們可以再搞《農夫20首歌的21堂課補課》，今次喺戲曲中心舉行嘅2堂補課，最特別之處係每場歌單、講稿，全部都係由觀眾投票選出，日日新鮮、場場驚喜。」

當中嘅歌單同內容都由觀眾親自投票決定
佢哋仲話會視乎觀眾反應，不排除會即場罰大家留堂，補鐘加時！仲建議觀眾做定功課，屆時投票選出心水歌單同講稿，補課3月28同29號上堂，星期五(21日)中午起供優先訂票。

陸永同C君仲叫大家提早做定功課