中年好聲音3｜20強年代歌曲大比拼 陳曉東對張與辰印象深刻

《中年好聲音3》接連續兩星期進行20強年代歌曲大比拼，呢個回合玩一對一PK戰，落敗選手中共有四人被淘汰，上下半場各有十位選手出戰，賽前選手們可以自己揀出場序，按上回合分數安排揀位先後次序，越高分越先揀位，令賽程更加刺激，而之前拎到唔錯分數有90分嘅曹越，發現自己無論團戰又或私戰時，感覺強敵當前就會激發到佢更多可能性，所以想破自己，刻意揀高分過自己嘅選手對戰。
20強年代歌曲大比拼即將上演。
而呢輪賽事除咗有音樂女神海兒Hedy回歸做評審，歌手陳曉東亦首度參與中聲嘉賓評審，對張與辰印象特別深刻，東東期待選手可以將經典歌重新演繹，會著重感受比重更高，覺得每個年代都有不同流行音樂，反而會睇吓個唱法，唔一定要字正腔圓同震音先係好。
區瑞強
而民歌王子區瑞強Albert呢次參加錄影，並唔係做評審而係有特別任務在身，Albert將會以老本行DJ職責去參與其中，因為全部參賽嘅歌曲都係Albert認識嘅歌曲，甚至睇住啲歌出世，今次佢會擔當一個好特別嘅角色。
陳曉東