郭富城回鄉東莞尋根祭祖 鄉親歡迎望復刻太爺金舖

郭富城 繼新年時同太太返鄉大受歡迎之後，近日就到城城本人返東莞鄉下，此行更一度成為微博熱搜。戴住Cap帽同墨鏡配西裝金鍊打扮嘅佢，現身東莞石龍鎮老家，到訪百年祖屋之餘此行仲有重要任務，就係希望搵返家族祠堂。

城城現身東莞家鄉，沿途吸引大批當地居民包圍
城城一到埗就獲大批鄉親團團圍住希望合照，而親民嘅佢同大家打招呼之外，亦滔滔不絶分享家族史，城城透露太爺早年做生意，由中堂三涌移居到石龍，自己嘅爺爺亦喺石龍出世，所以覺得自己祖籍當地，所以希望搵返家族祠堂，不過就一直都搵唔到。而喺鄉親嘅協助下，城城最後終於搵到祖籍，更喺祠堂擺出招牌Generation X嘅Post留念。
佢仲話希望將太爺當年金飾生意重新發展

城城亦指當地好多懷舊建築令佢印象最深刻，又大讚東莞又靚又乾淨、好整齊，所以希望有空檔帶埋老婆方媛同兩個囡囡，仲有自己嘅兄弟姊妹再度回鄉。而佢仲有一心願，做嘅當年太爺於當地開設嘅金舖可以重開喇。

又話要帶埋老婆囡囡，仲有媽媽哥哥一齊再訪