林俊傑公布巡演地點 5月將登啟德主場館舞台

林俊傑JJ 喺 2號公布《JJ 林俊傑 JJ20 FINAL LAP世界巡迴演唱會》巡演嘅場地，香港站將會喺5月24及25嘅於啟德主場館舉行，而台北站則會喺6月於台北大巨蛋舉行，JJ繼周杰倫、張惠妹後，成為第3位攻大巨蛋嘅華語歌手。
JJ公布嚟緊嘅巡唱地點。
對於將會喺香港嘅新演出場地舉行巡演，JJ表示相當興奮，佢又指因為今次巡演將會係全新主題，所以對於舞台同燈光都有好高要求：「我們很想每個站都能『足本還原』，很興奮香港有新的演出場地，可以吸納更多觀眾，新的場地、新的主題希望每個入場觀眾都能盡興！」
 香港站將會喺啟德主場館舉行。
提到早前美國站巡演邀得好友陳妍希驚喜現身，令fans們相當期待香港站嘅嘉賓名單，對此JJ笑言暫時唔會話畀大家知：「其實我現場還沒有定案，因為不知道有沒有嘉賓、當天的歌單等等，大家都是來支持我才來，所以嘉賓是Bonus。」不過JJ就預告自己要開姑重拾廣東話，希望到時喺香港站演唱會可以講多啲，好好同大家交流呀。
JJ香港站巡演將會喺啟德主場館舉行。