高鈞賢父愛滿瀉抱囡打預防針 感動宣布母親完成四針化療

高鈞賢（Matthew）同太太Christine去年雙喜臨門，今年1月中，囡囡高子琳（Liona）平安出世，一家三口生活非常幸福。近日Matthew就喺社交平台分享Liona打預防針嘅片段，Matthew細心聽醫護人員講解注意事項，喺囡囡因為接受注射而大喊時，更非常心疼囡囡，一邊輕拍安撫一邊講：「媽咪話堅持一下就可以。」
 新手爸爸高鈞賢好留心聽打針嘅事宜。囡囡喺屋企打人生第一針。
Matthew喺去年年底透露媽媽確診患上乳癌二期並已進行手術，喺Liona打預防針嘅片中，高媽媽都有現身，並且睇落精神狀態都幾好。頭綁紗巾嘅高媽媽抱住孫女，雖然戴上口罩，但唔難發現高媽媽笑得開心滿足！雖然化療辛苦，但高媽媽有孫萬事足，有Liona喺度都令佢積極走向康復之路。所以Matthew都話：「媽媽抗癌正能量。 四針化療完成！這不是終點，是重生的開始。」又形容Liona係「小太陽」，指囡囡就係最好嘅止痛藥。
新手爸爸抱囡囡打針。高媽媽抱住孫女笑得好開心。