羅家英偕馮盈盈介紹廣州飲茶好地方 與阿姐拍拖嘆點心各有喜好

鍾意飲茶嘅你就唔好錯過，由羅家英、馮盈盈及關楓馨主持嘅新節目《飲茶》，該節目將於3月24號起，逢星期一至五晚上10點半喺翡翠台播出，呢日三位主持出席記招，宣傳新節目之餘，仲可以嘆成枱點心。
馮盈盈、羅家英及關楓馨主持新節目《飲茶》。馮盈盈、羅家英及關楓馨主持新節目《飲茶》。
呢次三位主持將兵分兩路走訪廣州同香港兩地，發掘當地飲茶好去處，想嘆靚茶食點心嘅觀眾真係要好好bookmark，家英哥今次偕盈盈去廣州覓食，關楓馨就主力喺香港拍攝搵一啲好地方。
盈盈獲家英哥帶隊去廣州覓食。
盈盈話呢次去勻晒廣州最經典、最出名嘅酒家，一嚐靚點心，試到最傳統嘅點心，又介紹一啲新派點心，仲話有啲廣州點心係偷師香港點心，盈盈話喺廣州都食到香港嘅味道，感覺好特別。
家英話飲茶喺由廣州傳到香港。
家英哥話飲茶係由廣州傳到香港，經過一段時間後，香港飲茶文化突飛猛進，一啲新式點心款式、做法等，由香港影響到廣州，廣州同香港互相爭光同媲美，再影響全世界。家英哥同阿姐汪明荃不時拍住拖去飲茶，二人喺揀選點心方面各有喜好，家英哥話阿姐最鍾意食蘿蔔糕、粉果；家英哥同阿姐月尾各有各忙，家英哥去內地巡迴演出話劇，阿姐分別去上海同新加坡唱歌，阿姐嚟緊仲要拍TVB旅遊節目，大家工作都比較忙！
關楓馨嘅主戰場就喺香港。