率先聽！李佳月底開騷將經典中文歌編成Jazz風格 邀請中聲好友羅啟豪做嘉賓

中聲歌手李佳將喺今個月29日（星期六）於西九舉行演唱會，目前綵排進行得如火如荼嘅階段，演唱會主角李佳每朝必定跟製作團隊開會，睇吓點樣將整個環節流程精益求精、做到最好。

中聲歌手李佳將今個月29日喺西九舉行演唱會，目前綵排進行得如火如荼嘅階段。
李佳因今次演唱會風格以 Jazz Music 為主軸，再加上伴奏樂隊大部份為外國樂手，所以先集中排練重新編曲成Jazz 風格嘅中文歌，綵排完一首中文歌便立即同樂隊聽重播，睇吓邊部位要修改，好讓佢哋有更多時間練習。李佳日前特意去尖沙咀，喺主辦單位投放佢演唱會廣告嘅重慶大廈大螢幕前拍片打卡留念，雖然打卡當日氣溫驟降，但睇到唔少市民駐足觀看個唱廣告，李佳都覺得非常感動。

李佳今次演唱會搵咗《中年好聲音》羅啟豪（Ramon）做嘉賓。
李佳今次演唱會搵咗《中年好聲音》羅啟豪（Ramon）做嘉賓，之前佢同Ramon已喺舞台上多次對唱，亦有同佢推出合唱歌，二人非常有默契。而今次伴奏樂隊亦經常同李佳合作，技術精湛，李佳認為Jazz風格音樂好Free Style，並不拘禮於單一格式，今次演唱會歌單中、英文歌比例各佔一半，當中已揀選咗經典中文歌重新編排，既保留原裝韻味，又能以新面貌同大家見面，李佳希望屆時現場觀眾能夠聽得盡興，享受充滿音樂感嘅周末晚上。

李佳日前特意去尖沙咀，喺主辦單位投放佢演唱會廣告嘅重慶大廈大螢幕前拍片打卡留念。