痞子無間道｜陳瀅被出賣激動變身紅髮女魔頭 何泳芍為哨牙妹角色忘我有成功感

劇集《痞子無間道》嚟到尾聲，劇情再有新推進，估唔到陳瀅Jennie會被劇中最好嘅姊妹阿珍何泳芍Honey Ho出賣，陳瀅激動得滯嬲得大發雷霆變天，最後變成紅髮女魔頭。現實中陳瀅嘅脾氣就冇角色咁率直，雖然嬲同發脾氣一定會有，但佢就好少會咁大反應，通常遇到好嬲時會自己暱埋又或唔同嬲嘅對象說話。
陳瀅
劇中經歷呢場滿城風雨過，兩姊妹能否延和就要睇埋大結局先知，但肯定嘅就係陳瀅呢個look帶俾觀眾一個好爆嘅感覺，就連劇中對手唐嘉麟KT Tong同何泳芍都嚇一跳。KT最初喺化妝間見到呢個紅頭假髮時，已經知道大陣仗，因為比平日嘅假髮佔用空間大出幾倍，而Honey就笑指出鏡時千其唔好俾佢個頭遮到個樣，唔係的話會冇騷錢。
唐嘉麟、何泳芍
Honey喺劇中嘅哨牙妹樣徹底改造佢平日形象，全無偶包，獲KT激讚，連Honey自己都話因為演出角色太投入，試過有工作人員叫Honey借一借，佢竟然冇反應，因為現場人人都叫佢角色名阿珍，因此好有成功感。此外，呢集另一個看點就係朱敏瀚Brian Chu會雙目失明，場面悲痛，拍攝呢場戲時朱仔七情上面，周邊嘅人都戥佢緊張投入。
朱敏瀚