痞子無間道丨周嘉洛預告結局有人離去留遺憾 哨牙珍背叛陳瀅姊妹情決裂

TVB熱播劇《痞子無間道》踏入結局周，主演嘅 周嘉洛 陳瀅 朱敏瀚 王灝兒（JW）現身商場進行最後一次宣傳活動，眾人大玩遊戲兼落場同粉絲影大合照，JW更即場獻唱劇集主題曲。

眾人大玩遊戲兼落場同粉絲影大合照。
隨住劇情已進入高潮階段，睇到觀眾好肉緊，4人幫呢日透露所有線索由第一集已經鋪好，仲同第一輯有關係，陳瀅喺劇中嘅情緒好波動，經歷咗好多創傷，整個人會變身，陳瀅話變身後著上一輯《痞子殿下》嘅戲服，預告「費仁」與「符玲」嚟緊係一個好嘅結局，但嘉洛就話將會有人離去，結局有少少遺憾。

4人幫呢日透露所有線索由第一集已經鋪好，仲同第一輯有關係。
JW仲透露同「公子」有啲發展，好多嘢將會發生！講到劇中集合各種現代潮流文化，成為非一般古裝喜劇，唔單止演員拍攝時會「爆肚」增添色彩，朱仔追劇時發現幕後人員花心思，埋咗一啲小彩蛋，有啲演出即使係「焗蟹（忍笑）」鏡頭都照用。

JW更即場獻唱劇集主題曲。
呢次何泳芍（Honey）飾演哨牙珍造型搶眼，亦有網民同Honey講覺得「哨牙珍」靚過佢本人，令Honey哭笑不得，佢同陳瀅喺劇中本來情同姊妹，不過佢哋喺結局周卻姊妹情決裂，陳瀅得知Honey背叛，二人演出時非常投入，情緒崩潰一Take過！

陳瀅預告「費仁」與「符玲」嚟緊係一個好嘅結局。嘉洛就話將會有人離去，結局有少少遺憾，究竟係邊個呢！Honey同陳瀅喺劇中本來情同姊妹，不過佢哋喺結局周卻姊妹情決裂。