潘志文揭與夏春秋收藏古董錶情誼 憶與前輩電台共事：我們掛念你

有「六合彩之父」之稱嘅夏春秋（冬叔）早前離世，潘志文曾與冬叔一齊共事， 日前佢喺社交平台拍片分享跟冬叔嘅陳年往事，更揭二人共同愛好就係收藏古董錶，不時互相交流畀意見。

潘志文曾與冬叔一齊共事， 日前佢喺社交平台拍片分享跟冬叔嘅陳年往事。
潘志文18歲嗰年就認識冬叔，當時佢哋喺港台播音，潘志文嗰陣仲係新人，要剪帶又剪輯，仲要編印劇本等處理好多工作，佢記得當年冬叔喺外面有唔少工作要忙，只係偶爾返電台錄音，潘志文當年捱義氣喺夜晚收工時間，將冬叔嘅劇本由廣播道送去西營盤畀冬叔，均係佢哋都係住附近，每次冬叔拎到劇本後就會自己修改，將啲對白口語化，等錄音嗰時冇咁易「食螺絲」，可見冬叔相當敬業！

冬叔喜愛收藏古董錶。
潘志文又指佢同冬叔有一個共同愛好就係收藏古董錶，當年喺皇后大道西靠近醫院附近，有二手錶、玉器、古董賣，佢哋成日經常喺嗰度交流意見，潘志文記得有次冬叔同佢講有隻錶幾好幾靚：「冬叔說『有隻棺材仔（ROLEX）啊，價錢又挺好，不是很舊哦』。」感受到冬叔係一個愛分享好嘢嘅前輩，難怪多年嚟潘志文都好敬重呢位前輩，每次見面，潘志文都未見過冬叔愁眉苦臉，均展露其幽默一面，講吓笑又唔會鬧人，又唔會發脾氣，潘志文對於冬叔離去，亦感到不捨，表示「我們掛念你」。

潘志文都未見過冬叔愁眉苦臉，均展露其幽默一面，講吓笑又唔會鬧人。