黃劍文喜與喬宏太太再次見面 小金子精神奕奕來港分享生命

喬宏太太小金子（劉彥平）自丈夫離世後由苦瓜乾人生，靠宣揚正念而變成喜樂婆婆。年過90歲嘅小金子依然精神奕奕，思維及對答更係非常敏捷，又不時現身佈道會或電台節目宣揚喜樂人生。

小金子依然精神奕奕，不時現身佈道會或電台節目宣揚喜樂人生。
最近小金子就返到香港，將會出席本周未聯同黃愷欣舉行嘅佈道會。黃劍文之前與小金子喺佈道會碰過面，佢就喺社交平台分享同小金子合照，話好開心見到喬媽返咗嚟香港，嚟梗會去聽喬媽同欣姐分享生命故事，因為聽長輩分享一定有得着。

最近小金子就返到香港，將會出席本周未聯同黃愷欣舉行嘅佈道會。
劍文又道出跟喬媽相識經過，話認識喬媽大概有10年時間，到2019年時，好開心有機會到美國短宣，呢次機會令佢更加認識到喬媽。劍文指嗰一次得到嘅係一個心靈得到療癒嘅旅程，有好多學習，尤其喺喬媽身上，見到行路唔方便嘅佢 ，仍然身體力行飛去唔同嘅地方，用佢生命嘅經歷祝福其他人。劍文覺得好感動，充滿愛，見到佢嘅付出，佢嘅力量，令自己有好多啟發。

劍文又道出跟喬媽相識經過，話認識喬媽大概有10年時間。劍文喺喬媽身上，見到行路唔方便嘅喬媽 ，仍然身體力行飛去唔同嘅地方，用佢生命嘅經歷祝福其他人。喬媽係一位喜樂婆婆，時常笑容滿面，更努力將喜樂帶給身邊人。劍文見到喬媽嘅付出，佢嘅力量，令自己有好多啟發。