鬼鬼揭愛女父親身份 稱唔會為小孩放棄識男友

台灣女星 鬼鬼吳映潔喺今年1月無預警下宣布做媽媽，令大家相當震驚，事隔兩個多月鬼鬼終於現身幕前出席台北時裝周，親自解開囡囡爸爸身份之謎，鬼鬼指自己既係小孩嘅媽媽，亦係小孩嘅爸爸，自己亦會努力工作撫養囡囡長大。

鬼鬼1月突然宣佈已誕女，令外界都非常訝異
鬼鬼指生B係自己嘅選擇，佢唔覺得有太大壓力，亦會為自己嘅選擇負責，鬼鬼仲話一直覺得自己嘅人生都係幾勇敢嘅，而呢件事會令佢嘅世界變得不一樣。鬼鬼又指呢樣一直都係佢想體驗嘅事，而家自己可以完成，佢覺得自己很棒。
呢日佢分娩後首次現身公開活動，亦回應做媽咪嘅詳情

即使生咗囡囡，但鬼鬼話唔會放棄自己嘅演藝事業，同時亦一定會再交男朋友，佢指生B呢件事並無阻撓到佢談戀愛，只係現階段佢覺得可以暫時等一等。鬼鬼話唔想因為小孩而被綑綁太多事，又指如果屋企係超級有錢，當然可以留喺家中一直陪小孩，但佢話自己係一個獨立個體，而囡囡而家又細，所以應該要適當放手外出工作，仲話如果冇工作的話就唔可以養囡囡，所以叫大家如果有合適嘅工作都可以搵佢呀。

鬼鬼指生女後仍會繼續發展事業同戀愛