StarTalk丨林柏宏為角色去雞場實習 分享與日韓電影人合作點滴

林柏宏為「亞洲電影大獎」擔任青年大使，早前更嚟到香港出席頒獎典禮及一系列活動，呢日佢就嚟到《StarTalk》同主持 王鎮泉 講下擔任大使嘅感受。

林柏宏日前同楊謹華一齊現身亞洲電影大獎
柏宏話自己非常榮幸可以出任大使，佢又指喺電影節中，無論係身為觀眾定演員都相當幸福，觀眾嘅角度就係可以一次過睇好多電影，而喺演員嘅角度，就可以帶住自己嘅作品，去同好多電影人交流、同觀眾互動。
林柏宏2.jpg

雖然柏宏喺電影《關於我和鬼變成家人的那件事》入面毛邦羽嘅角色令觀眾深入民心，但問到如果再有類似嘅角色，佢會唔會再接拍？柏宏就指世界上唔會有兩個一模一樣嘅人，所以如果有好多人覺得呢個新角色，同毛毛呢個角色好似的話，咁對佢好嚟講嘅挑戰就係要演出兩個角色嘅不同，柏宏又指只要係好玩嘅劇本同可以打動人嘅角色，都會係可以再次挑戰嘅。
佢早前拍攝嘅掄笑鬼片大收旺場

演員會以唔同方法去進入個角色，柏宏話自己喺入戲方面都有唔同方法，如果個角色有一種技能嘅，佢就會去學呢個技能，好似佢最近上映嘅新片，戲中嘅佢飾演一名雞肉攤販，為咗呢個角色柏宏就去咗養雞場實習，每日學剁雞肉、同雞相處、執雞蛋等，佢認為呢個係角色必備嘅功課。

佢又為拍攝新作事先到雞場親身實習講完點進入角色，當然亦要講下點離開角色啦，柏宏話自己有時都需要對演過嘅角色告別，例如換個髮型、剃走啲鬚等，但有時只要離開拍攝嘅場地，返到自己家中，就會好自然咁走出角色。

柏宏從影以嚟同過唔同地區嘅電影團隊合作，最近佢就分別同日本、韓國嘅電影團隊拍攝電影，呢日柏宏就分享同佢哋合作嘅點滴同分別。