《SLAM DUNK》電影歌曲主唱患食道癌 CHIBA YUSUKE停工接受治療

人氣動畫《男兒當入樽》早前喺香港上映嘅電影版《THE FIRST SLAM DUNK》搞喊咗唔少影迷。今日再傳出令影迷心碎嘅消息，主唱電影版片頭曲；日本知名搖滾樂團「The Birthday」嘅主唱CHIBA YUSUKE，喺社交平台宣佈自己患上食道癌，目前暫停所有工作接受治療。

The Birthday喺社交平台上發文指，現年54歲嘅主音CHIBA YUSUKE確診食道癌，原定本週末嘅公演，同埋6月舉行嘅活動以及音樂祭，亦將會全部取消，The Birthday喺文中致歉，至於退票等事項會再等各主辦單位安排，The Birthday表示令到眾fans嘅不便深表歉意。

另外，電影版《THE FIRST SLAM DUNK》喺20號開始會喺中國上映，身為原作、編劇兼導演嘅井上雄彥，為咗祝賀電影版上映，喺社文平台發佈中文祝賀詞，同埋宮成良田嘅動畫。但係因為動畫入面「CHINA」嘅英文字，當中嘅「H」用上黃色，而其他則係紅色，引起部份網民不滿，並指有辱華之嫌，但其實井上雄彥只係用上國旗嘅顏色嚟呈現。