Windy學校表現古典樂曲 與同學合演莫扎特展紮實功架

參加《聲夢傳奇》再成為After Class小花其中一位成員嘅 Windy 詹天文 自細就已經開習聲樂，中學亦入讀專注音樂發展嘅學校，難怪佢表現咁優異喇。早於5歲就開始學習正統聲樂嘅Windy，其實8歲已經同後來嘅隊友Yumi一齊喺比賽較勁，當時賽果一樣係叮噹馬頭，佢同Yumi分別得到比賽嘅季軍同亞軍。

近日有社交平台就將Windy喺學校嘅表演公開，Windy同一班同學仔合作演奏莫扎特歌劇《魔笛》當中嘅名曲《夜后》，一班同學分別演奏同指揮，而Windy則負責演唱，仲獲大批網友大讚呢班同學仔表現傑出，前途無限呀。