鄭秀文紅館演唱會公佈退票手續 持票者可選擇保留門票等換飛補場安排

樂壇天后鄭秀文（Sammi）確診後因長新冠後遺症，Sammi與主辦方早前宣佈13場「「You & Mi 鄭秀文世界巡迴演唱會」紅館騷延期舉行，今日公佈退款申請詳情，fans亦可保留演唱會門票。

主辦機構「寰亞娛樂有限公司」今日喺社交平台列出申請退款，要於指定日期（2023年7月19日至2023年8月31日）期間向原有購票渠道申請退款，優先訂票嘅人士將收到由服務供應商發出嘅電郵，通知客戶於7月19日早上10時起至8月31日晚上11時59分進行有關申請退款嘅安排，稍後退款至該購票信用卡賬戶。

而市民經公開發售購買嘅門票，可由城市售票網可以於7月19日早上10時起至8月31日晚上11時59分內登入網站申請退款，直接全數退回用以購買有關門票嘅信用卡賬戶，而內部訂購嘅 人士，由主辦機構通知申請退款安排。當申請完成及經核實確認後，主辦機構將安排退款畀有關人士，此退款唔包括已收取嘅行政費。

主辦機構指若果喺上述指定日期內收唔到退款申請，將會視作保留演唱會之觀看權利 ，已購買嘅門票將喺2023年9月19日至2023年10月31日期間安排發放，主辦機構亦衷心感謝各位體諒及支持！