蔣志光喺TVB新劇《破毒強人》飾演曾背叛過陳豪嘅現役「毒王」鄭福田,二人喺劇中明爭暗鬥!雖然鄭福田喺劇中做大反派,不過佢對家庭觀念好重,平時聽晒「老婆」朱智賢話,絕對係愛妻號,鄭福田喺劇中愛彈古典音樂,所以蔣志光為演好呢個角色,練習足足1個月,而朱智賢喺劇中飾演「阿嫂」沈淑賢,凡事為老公鄭福田擔心,更試過求章琳出手去救鄭福田。