古天樂驚覺媽媽交友圈廣闊 已定七年電影大計發展新科技

10月21號係古天樂53歲生日，古媽媽李綺雯日前為阿仔筵開60席慶祝，邀請古仔粉絲、朋友同前輩胡楓、吳君如媽媽冬嬸及佘詩曼媽媽Lily等一齊敘舊。

疫情後首次搞大型生日派對，古仔驚覺媽媽交友圈廣闊，生日正日有工作在身，一向係孝順仔嘅古仔已預留時間同父母食飯，古仔坦言每年都冇為自己準備生日禮物，佢認為最緊要係身體健康，同埋捐啲錢去幫吓人。

古仔笑指有時唔記得自己幾歲，唔會太在意歲數，最擔心就係有病痛出現，古仔已定七年電影大計，望發展製作新科技，希望將拍攝時間縮短、水準提高。