李龍基寄情玩模型飛機 下月生日打算食雲吞麵慶祝

李龍基同魏秋樺呢日現身一個古瓷展，自從未婚妻王青霞入獄後，基哥就要暫時過返單身生活，雖然開頭有啲唔慣，但最近寄情玩模型飛機嘅佢，似乎已經適應咗一支公嘅生活，表示而家一心一意去諗點樣改進啲飛機，唔理其他閒言閒語。

李龍基自王青霞入獄後就將注意力分散到其他地方
下月1號就係基哥嘅74歲生日，不過向來唔太重視生日嘅佢，就話自己對生日嘅概念好模糊，笑言到時可能同朋友去食碗雲吞麵或者漢堡包就OK，但講到同朋友嘅慶祝活動佢就話到時先算喇。
魏秋樺日前參與錢小豪嘅直播，兩人笑到失控

魏秋樺日前現身錢小豪嘅直播，佢由於小豪相當幽默，所以全程笑唔停口，仲話同佢傾偈要敷好多面膜呀。