炎明熹夥拍「奶龍」快閃現身 向過百位幸運兒送禮兼設超萌打卡位

炎明熹（Gigi）近日擔任一間銀行品牌大使，將於2月20日下午5點聯同人氣爆燈嘅「奶龍」快閃現身，除咗跟大家拜年，更向過百位幸運兒親手派發「奶龍」小禮物，「奶龍」粉絲及「Gi炎粉」絕對不容錯過！

炎明熹將於2月20日下午5點聯同人氣爆燈嘅「奶龍」快閃現身。

大會更喺2月20號至29號於又一城舉辦展位，現場設有超可愛「奶龍」打卡位、「奶龍」精品扭蛋機，更可即場製作專屬嘅「奶龍」動態表情包等。「奶龍」將首度與舞蹈員一齊大跳潮爆Slick Dance，於社交媒體破2億點擊嘅Slick Dance要求雙腳交替向前跳動，營造凌空滑動效果，不少韓國藝人及K-POP組合亦有拍片示範。

Gigi喺活動期間更會與一眾「Gi炎粉」拜年，祝福大家行運一條龍。

Gigi喺活動期間更會與一眾「Gi炎粉」拜年，祝福大家行運一條龍，Gigi透露自己係「奶龍」超級Fans，好高興可以同『奶龍』一齊向年輕人推廣理財概念，尤其係大家喺新年期間逗咗不少利是，正好適合開設銀行戶口學習理財，佢今年都會將利是錢存喺有息嘅活期戶口，啲錢唔會鎖住又可以賺息用作讀書基金，一定會推介畀大學同學，而Gigi續指知道現場有好多「奶龍」打卡位，包括超萌「奶龍」裝飾、扭蛋機，最特別可以製作獨一無二嘅表情包，超級期待喺活動上親身跟各位Gi炎粉拜年。