索爆煒哥為醫生老公任代言 醫療中心開幕群星拱照有讚冇彈

靚太 陳煒 呢日以事頭婆身份，為老公嘅美容中心開幕做生招牌，煒哥同陳醫生更廣邀圈中老友好似 譚俊彥 姚子羚 陳曉華 鄭則士 鮑起靜 等都俾面支持，非常熱鬧，而精心打扮嘅煒哥更係中門大開，非常性感。

同時擔任代言人嘅煒哥經驗豐富，不過為老公生意代言，佢就話唔係影完相做吓訪問就完事咁簡單，比平時花更多心機幫手呀。減磅之後更加靚嘅煒哥，早前已經率先發放宣傳圖片，身形比例完美又容光煥發，令佢本人都非常滿意呀。

而老友阿Shaun同Hera仲大讚煒哥人靚之餘心地亦非常好，仲大讚佢呢日艷光四射呀。而由柬埔寨登台返港嘅子羚，就指當地比想像中平靜，又因為行程安排而未有時間外出遊覽咁話。

Ken哥同鮑姐就大讚煒哥呢位後輩唔止人員靚，一手好廚藝更加令大家成日都有口福，又大讚佢心態正面又善良，仲話後生嘅都要以佢做榜樣呀。