趙璧渝 曾文心分享護膚心得 自爆兩大神器必跟身

趙璧渝 同 曾文心 呢日以代言人身份，出席美容概念店開幕兼簽約儀式。冬天皮膚容易乾燥爆拆，兩位代言人就同大家分享自己平日嘅護膚心得，趙璧渝話自己好貪靚，十幾歲就明白到護膚嘅重要，所以平時除咗飲食清淡啲外，仲成日會研究用咩清潔皮膚、咩面膜保濕。

趙璧渝 曾文心
而早前喺台慶中奪得「全台力撐潛女藝人」嘅曾文心，就指自己會由身心靈健康方面着手保養，因為佢信奉內在健康好，皮膚就自然好，所以平時除咗食得健康外，仲會透過運動嚟保持心情開朗。至於講到跟身嘅必備神器，趙璧渝同曾文心都話平日瘦面神器同暖水壺都會跟身呀。
曾文心同趙璧渝簽約成代言人。