攝影發燒友發哥展出30張得意之作 天未光出門拍攝黑房玩到半夜

跑步嘅同時非常熱愛攝影嘅 周潤發 呢日唔喺水塘山徑出現，而係將佢過往紀錄低嘅香港醉人美景結集，於商場公開展出，同大家分享香港之美。

有商場舉辦周潤發攝影展，展出30張發哥得意之作
貼地嘅發哥，呢次展出30張以本地人事物為主題嘅作品，每張更係晨光未現已經出發準備，佢最滿意嘅一張，仲係正值黑雨警告下嘅維港景致。由近300幅作品中精選而出嘅作品，其實犧牲大量睡眠時間得嚟，發哥仲話部份自己亦刻意入鏡，代表自己亦係生活喺香港嘅一份子。
發哥話今次由300張作品精選30張公開展出

發哥沉迷攝影多年，佢就提到最瘋狂時天未光已到山嶺等候捕捉晨曦，之後就返屋企沖晒菲林，午飯後小睡充電，之後又會再出門追蹤黃昏直至晚上，而晚飯後又會喺黑房通寓達旦，日復一日唔使停。
佢仲指最沉迷時日夜都係影相沖晒

明年就會踏入70歲嘅發哥，因為長期運動所以Fit到漏油，不過亦因為經常戶外曝曬而有雀斑，所以不時都要敷面膜保養。