StarTalk丨李英愛稱每次《大長今》重播都會睇 自爆虎媽一面會對龍鳳胎發脾氣

有氧氣女神美譽嘅53歲韓國天后李英愛，早前嚟到香港出席「第17屆亞洲電影大獎」頒獎禮之餘，仲抽出時間獨家接受 王鎮泉 嘅《StarTalk》訪問。

節目一開始 泉叔 先同李英愛「相認」，原來泉叔10年前曾經同對方做過訪問。李英愛回憶對上一次嚟香港已經係2019年，為MAMA頒獎禮擔任頒獎嘉賓，李英愛笑言估唔到相隔5年再嚟到香港，大家仲會記得自己，當見到香港fans如此熱情咁歡迎自己，亦令佢相當驚訝。
 
李英愛喺節目中，表示自己同香港嘅緣份，應該要由自己20歲剛出道時，同劉德華合作拍攝朱古力廣告：「20歲那時剛出道，就跟劉德華合作拍廣告，當時他已經是巨星；大約20年前與梁朝偉就在斧山電影節撞過面。」佢仲笑言有幻想過同劉德華、梁朝偉合作拍攝《無間道》嘅續集。

劇集《大長今》係李英愛代表作之一，最新有傳即將開拍嘅《醫女大長今》將會延續《大長今》劇情，而有傳李英愛亦會參與繼續飾演大長今一角，對此佢表示：「《大長今》不止是一套劇，是讓全世界認識韓國的『外交官』。」李英愛仲表示每次重播自己都會收睇，同時會記住劇中大長今嘅教誨。

至於講到與自己一對龍鳳胎嘅相處，李英愛表示一對仔女已經14歲讀緊中學，佢指小朋友難免會有犯錯嘅時候，而自己亦會有虎媽一面，偶爾會對龍鳳胎發脾氣。