歌神許冠傑與炎明熹為個唱綵排 一彈一唱《冬戀》聽出耳油

歌神許冠傑（Sam）將於3月30號至4月1號喺紅館舉行演唱會，對演出好有要求嘅阿Sam，近日密鑼緊鼓為個唱綵排，噚日佢喺社交平台貼出綵排照，炎明熹（Gigi）亦有到場練歌，大會早前喺記者會上公佈嘉賓名單，而Gigi將於3月31號擔任表演嘉賓。

阿Sam一向對演出好有要求，力求完美，近日密鑼緊鼓為個唱綵排。

Gigi綵排當日跟歌神Sam合唱《冬戀》，一彈一唱令人聽出耳油，Gigi指上次同歌神Sam夾歌有啲緊張，今次更加緊張皆因旦哥鄭丹瑞在場，旦哥即大讚Gigi大個女，哄得老人家好開心。

Gigi將於3月31號擔任表演嘉賓。

Gigi早前應邀《最緊要許冠傑音樂特輯》做嘉賓，佢去Sam哥屋企練歌，更送上豹紋毛巾畀前輩作禮物；Sam解釋搵Gigi做演唱會嘉賓係因為睇到對方唱《浪子心聲》，讚Gigi唱得非常好，一向幽默嘅Sam搞笑叫Gigi嗌自己做「Sam哥」感覺後生啲！
歌神許冠傑大兒子許懷欣（Ryan）及細仔許懷谷屆時亦會表演。歌神Sam叱吒樂壇逾半世紀，多年來炮製過無數經典好歌，開創粵語流行曲的潮流。歌神許冠傑即將於3月30日開始在紅館舉行的一連三場「許冠傑最緊要好玩演唱會2024」。