台灣靚媽 林心如 出席一個關懷兒童嘅公益活動,分享自己嘅育兒經,佢話自己做咗媽咪之後EQ大大提升,仲傳授小朋友令自己崩潰時調整心情嘅秘訣:「當我到達臨界點時,我會深呼吸3秒暫時離開現場,令自己冷靜之後再回來繼續跟小孩溝通。」
問同老公霍建華喺教囡囡方面係咪態度一致,心如就話大原則係一樣,但係喺小事好似准唔准準食雪榚呢啲事﹐爸爸比較容易滿足女兒嘅要求喇。講起唔少父母都會俾小朋友學習才藝,心如七歲嘅囡囡小海豚都有學鋼琴同畫畫,不過就唔係被逼,而係小海豚自己要求。
心如嘅好姊妹 徐若瑄 2021年捲入王力宏婚變事件,被指係介入王力宏婚姻嘅小三,王力宏因而提告,官司日前終於判決王力宏勝訴,算係還Vivian一個清白。心如亦有留意事件,仲話有呢個判決更加證明小三說法唔係真相,不過事情經已過去,希望大家都向前看。
![東張+ | myTV SUPER 24小時即時新聞 本地、國際時事熱話 東張+ | myTV SUPER 24小時即時新聞 本地、國際時事熱話](/tc/scoopplus/img/logo.png)
登入後即可查看我的收藏
登入後即可查看瀏覽記錄
![myTV SUPER myTV SUPER](/tc/scoopplus/img/img__header_superlogo.png)
![myTV SUPER myTV SUPER](/tc/scoopplus/img/icon__header_gosuper.png)